المعرض الوطني للتوظيف في الشارقة 2010

المعرض الوطني للتوظيف في الشارقة من تاريخ

24/1/2010

24-02-2010

إلى

26/1/2010

26-02-2010

لا أملك أي معلومات أخرى ، شاهدت لوحة مكتوب عليها هالخبر في منطقة الشويهين.

فياليت من يملك أي معلومة إضافية بخصوص المعرض وهل ستقام في الشويهين أم في الخان (معرض اكسبو الحالي كالعادة).

..لي عودة إن جد جديد بإذن الله ..

تعديل 1 :

قرأت  في موقع اكسبو بأن تاريخ المعرض بشهر 2 وليس 1 .. لا أعلم أيهما أصح ؟ هل أصدق عينيّ أم المكتوب في  الموقع ؟ أم أنهم أخطئوا بكتابة التاريخ في اللوحة ؟ أم ان نظري ضعف وصرت شيبة كل الإحتمالات جائزة إلا الأخيرة أستبعدها ^^

تعديل 2 :

المعرض سيكون من

24-02-2010

إلى

26-02-2010

بإذن الله .. وأشكر الأختان فاطمة وشما على إضافتيها..

وأسأل الله أن ييسر أموركم ، واعلموا ” إن مع العسر يسراً () إن مع العسر يسراً ” ولن يغلب عسرٌ يسرين ..

وكل من يتشاءم من معارض التوظيف .. فعليه بالتوكل على الله وترك التشاؤم ( ياخي قدم اوراقك مب خسران شي ) ^__^

بالتوفيق للجميع ..

Share and Enjoy:
  • Facebook
  • Google Bookmarks
  • Live
  • Twitter

15 تعليقات على “المعرض الوطني للتوظيف في الشارقة 2010”

  1. اقصوصه أضاف بتاريخ

    جزاك الله خير على طرح الخبر المفيد

    واللي لي نصيب بشي بياخذه اكييد :)

  2. i love MIS أضاف بتاريخ

    اذا عندكم معلومات عن المعرض فيدوووونا
    اقصد الوقت و المكان…..
    محتاجه وظيفه :(

  3. yaadein أضاف بتاريخ

    waiting

  4. hajouni أضاف بتاريخ

    أختي مريم ..حياج الله ..

    إن شاء الله من أحصل أي معلومة يديدة بخصوص معارض التوظيف بخبركم عنها ..

    دامج من دبي قدمي في الدوائر الحكومية والمحلية في دبي .. بلدية وربعها ..

    والله ييسر

  5. hajouni أضاف بتاريخ

    اقصوصه .. حياج الله ..

  6. yaadein أضاف بتاريخ

    أنا من دبي بس ساكنه في الشارقة
    وقدمت في الدوائر الحكومية مال الشارقة بس ماعندهم شواغر :(
    ان شاء الله خير بنصبر :)

  7. hajouni أضاف بتاريخ

    أختي yaadein .. حياج الله من يديد ..

    أيواا .. انزين أنا اللي أحيده البنات يقبلونهن قبل الشباب .. الأولوية لهن (والعهدة عالراوي)ز

    شوفي عندج بلدية الشارجة قدمي فيها .. بين فترة وفترة يطلبون موظفين وموظفات ..

    طبعاً التقديم عن طريق موقعهم على النت ..

    http://www.shjmun.gov.ae
    صفحة التقديم للوظائف ..

    http://www.shjmun.gov.ae/v2/arabic/jobs_vacancies.asp

    اختاري الوظائف المناسبة وعبي البيانات .. وإن شاء الله بيتصلون فيج لو فيه شي .. بس على فكرة وتنبيه ..

    البلدية لو اتصلوا .. بيتصلون عالصبح طبعاً .. ويوم تردين تتصلين عليهم ما بيردون عليج خير شر ..

    وشوفي عندج أماكن كثيرة تقدرين تقدمين لها .. لو حصلت شي بوافيكم بالجديد إن شاء الله ..

    والله ييسر لكم ويعينكم لكل خير ..

  8. فاطمة أضاف بتاريخ

    السلام عليكم و رحمة الله و بركاته

    المعرض بيكون الاسبوع الي ياي من 24 الى 26

    الي حاب يتاكد يرجع لي الرابط و يختار المعرض الوطني للتوظف 2010

    http://www.expo-centre.ae/ar/eventcalendar.asp

    و يالتوفيق للجميع

  9. شما أضاف بتاريخ

    مهم…
    إخواني ..خواتي معرض التوظيف بيكون ف اكسبو بتاريخ 24-25-26

    ربي يوفجني و يوفجكم جميع وتحصلون الوظيفة لي تتمنونها…..

  10. hajouni أضاف بتاريخ

    الأخت فاطمة ..
    وعليكم السلام ورحمة الله وبركاته ..
    حياج الله ..وشكراً على الإضافة ..
    تم التعديل على التدوينة .. بارك الله فيكم ..

  11. hajouni أضاف بتاريخ

    الأخت شما ..
    حياج الله ..وشكراً على التنبيه ..تم التعديل ..

    بارك الله فيكم .. وبالتوفيق

  12. راعي الفتك أضاف بتاريخ

    السلام عليكم يعطيكم الف عافية

    المعرض في اكسبو الي عند دوار التعاون

    ولكن حبيت اخبركم شي سنة الماضية قدمت على 40 شركة شو رايكم ولا شركة اتصلت فيني ولا على الشباب الي كانوا وياي حوالي 7 اشخاص معقولة محد فينا عنده خبرة وكلنا دارسين الي عنده ثانوية وانا وثلاث عندنا دبلوم وماجستير

    السبب الوحيد ان الي فينا مواطن او خليجي ماياخذونا اذا حد فينا كان هندي او عربي جان من زمان خذووه من سنوات نحن اندور دوامات بس محد يوظفنا وين بنررروح وظيفة مب محصلين اذا نبا نسوي مشروع اييون الهندوو يخربون عليك يسون شراتك وين بنررروح
    الله يرزق لمن يشاء بس نحن بعد لنا الحق نتوظف شرات الناس ونكون اعمارنا خلي واحد منا يسافر الهند ويشوف كيف عايشين وكيف وسيلة النقل عندهم وشو يأكلون وشو قيمتهم اهناك الله يعزكم الجواب اسوى عن الحيوان ماله اي قيمة اذا مات فيهم حد يقولون نقص واحد من ارضنا لاني سافرت وشفتهم وماشي اي احترام لنا
    وماشاء الله اهني معززين ومكرمين ووظائف بالهبل شو بقووول
    الله المستعان

    والسموحه منكم

  13. نجيب أضاف بتاريخ

    السلام عليكم يا اخونا بالامارات انا حبيب من السعوديه حبيته استفسر عن التوظيف عندكم هل في وظائف تعليميه انا عندى شهاده جامعيه ولا حصلته وظيفه في بلدي وعمري الان 28 سنه والله جالس الحين ادور على وظيفه حتى ولو دراسه ولكم جزيل الشكر

  14. hajouni أضاف بتاريخ

    الأخ نجيب ..
    وعليكم السلام ورحمة الله وبركاته .. حياك الله .. وحي الله بهل السعودية كلهم ..

    بخصوص استفسارك .. هو يعتمد الصراحة .. الحال من بعضه .. تصدق عندنا كثير مب محصلين وظايف .. بس ماتعرف .. قسمة ونصيب ..
    قدم سيرتك الذاتية في المواقع الإلكترونية الخاصة للجهة التي تود أن تعمل بها .. لعل وعسى تجد مبتغاك ..

    يسر الله أمرك وأعانك لكل خير ..

  15. hajouni أضاف بتاريخ

    راعي الفتك .. حياك الله ياخي ..
    وعليكم السلام ورحمة الله وبركاته ..

    تدري والله إني حاس فيك .. وحاس باللي تمر فيه .. لأني كنت فترة من الفترات جذا .. والحمدلله الله رزقني بوظيفة اللي انا فيها الحين ..والله وايد سمعنا عن معارض التوظيف وأنها فقط واجهة وما يوظفون فيها حد .. بس أنت توكل على الله وفرفر أوراقك .. ماتعرف وين الخير لك ..

    وأنصحك بمنتدى
    http://www.job4uae.com/vb/

    بتحصل فيه إعلانات الوظايف لكل الدوائر الحكومية والخاصة في الإمارات ..

    الله يوفقك ويرزقك بالوظيفة السنعة تعف بها نفسك .. وتكون عمرك ..

    وعليك بالإستغفار والدعاء .. فأثرهما كبير .. وتيقن أن أمرك كله خير ..
    أسأل الله ان ييسر أمرك .. ويوفقك لما يحبه ويرضاه ..

شارك بتعليقك

*
Get Adobe Flash playerPlugin by wpburn.com wordpress themes